top of page
善心循環 關愛無限
慈善機構註冊編號 : 91/15414
殮葬商牌照號碼：2462800158
Search
年初五 是日不是好日 冇乜嘢做 小編去咗做採花賊
話說聽日正式開工大吉。主家話明天大約30位親友來。在新年前，小編諗住執定明天工作需要嘅嘢嘅時候，公司剛剛有30封纓紅利是～ 不過小編一直好擔心，如果明天親友多過30位，咪唔夠纓紅利是比親友 本來諗住聽日先算… 點知小編剛剛行街嘅時候，竟然巧遇幾棵扁柏… 心諗：「咦～ 咁啱嘅 ～」咁小編就唔客氣喇
呢啲衰嘢大家千祈唔好學
長氣文
要喺農曆年之前出呢個post，因為真係好想同大家分享呢樣嘢～
呢個係一個擺骨灰嘅玉棺，已經有40年歷史。
話說有一次做一個加灰個案（本身在灰位裡面既係爸爸，而家係加媽媽的灰）
對於爸爸的喪禮或者骨灰嘅安排，其實個個仔女都冇乜印象，因為畢竟都係40年前，同埋當年喪禮應該都係媽媽主力安排。
上位當日，當我哋石廠師傅開個碑嘅時候，我諗所有人心裏面都「哇」咗一聲，原來原先爸爸安放骨灰的，不是一般我哋standard size嘅盅，而係圖中呢個玉棺…
問題就嚟喇，呢個玉棺係大既，已經佔據晒個灰位，咁媽媽盅又點樣擺入去呢？
真係好好彩當日石廠師傅架車有個士啤嘅盅… 咁就冇辦法，爸爸嘅灰就要換個新既盅，兩位先人就可以放喺同一個位裡面…
咁點解而家呢個玉棺會在小編手上呢
當然我哋有問返主家，會唔會攞返個棺走。其實正常人都唔會… 因為真係大吉利是
不過在於小編嘅眼中，就即刻心心眼
南嘸師傅話，呢個玉棺有40年歷史，40年前都應該賣得超級貴… 另外大家見到佢裡面白色塊布係黐實咗喺個棺裡面，石廠師傅話係好少見… 通常可能係就咁鋪喺裡面就算。而塊布過咗40年都仲係好白淨，表示其實個棺存氣係十分好。（解釋返其實先人啲骨灰咁多年係冇直接放落個棺裡面，當年係直接將成包骨灰連袋放喺裡面，所以棺入邊係好乾淨，而我哋亦都係可以完整無缺將先人骨灰過晒去個新骨灰盅裡面）
講返心心眼先 小編就大膽問主家，如果真係唔要呢個棺，可唔可以捐俾小編作觀賞嘅用途 咁當然主家亦都冇所謂… 老實講，如果將呢個玉棺掉咗佢真係好可惜…
大家係咪覺得大吉利是呢？ 擺過骨灰嘅嘢都拎返工作室 但係小編呢D百無禁忌就覺得呢個係寶
師傅話如果拋返光，個棺就會好靚
bottom of page