2022年12月30日

晴善舍喺2022年既第一個個案係小天使，而最後一個亦都係小天使個案。

今日喺屯門醫院接咗小天使之後，就出發去葵涌永愛堂。雖然永愛堂已經開咗三個月，但係小編今日都係第一次去 今次父母選擇為24週以下嘅小天使火葬，所以選擇左永愛堂舉行儀式。永愛堂嘅環境不錯，有一個小禮堂比父母做一個簡單嘅悼念。如果唔想爲小天使做土葬服務嘅話，亦都唔想好似以前咁要喺寵物殯儀度火葬，永愛堂絕對係一個好嘅選擇。

今年晴善舍爲20位小天使完成殯儀服務。每個個案，小編心裡面都唔好受。不過亦好感謝父母們嘅信任，比晴善舍同小編為佢哋至愛嘅寶貝負責最後一程。2023年，因為成本上漲，我們服務費用有少許調整，但係我哋仍然係以貼近成本價去為小天使服務，希望可以幫到更多嘅家庭。

另外小編都好想喺度感謝屯門醫院婦科病房。佢哋又係一間會好好咁處理24週以下小天使遺體嘅醫院，好感謝佢哋嘅用心 每一位小天使都係包得好好之後先放入雪櫃，小編見到嘅時候係好感動！因為佢哋都會當小天使係佢哋自己既寶貝，如果一間醫院係冇咁嘅心同理念，係唔會有咁嘅配套可以做到咁好！

做完今朝嘅個案之後，小編又接到電話要去見客做文件了，都係小天使個案…

2023年見 Happy New Year