同大家吹吹水先
近排晴善舍少出post，係因為小編故意減少工作，再係因為家裡工人姨姨返左菲律賓放假，小編要做全職C9 3個星期….
其實要「故意」減少工作就好難既，因為正常一有客call黎就要做野架啦，但係因為吸引力法則加上天都對小編不薄，之前做左少少「大」case，反而而家就比較悠閒（即係冇乜生意），所以喺經濟及時間上就可以全力照顧小小編！
作為一位在職媽媽，小編算係好幸運，工作算係比較自由，已經比好多人多左好多時間照顧家庭。但係都因為工作可多可少，工作時間有時又可以好長，所以其實在時間管理上仍然努力調節中。
今日小編因為手痛要去做治療先有一個下午既me time，做完治療立刻返公司做少少Admin工作就趕返屋企買餸… 返到公司嗰下好似去左世外桃源咁。一片寧靜，心靈得到放鬆，實在係一個避世嘅好地方
有冇其他在職媽媽睇呢篇吹水文呢？ 你地既工作同家庭既schedule又係點呢？ 會唔會每日都攰到趴喺度？ 大家可以係comment同小編分享下喔
Kommentare