小編做左殯儀10年
成日都講有一間醫院係好怕去到的
就係兒童醫院
因為逝者必定會是兒童…
尋日小編就去左兒童醫院完成一個院出個案
呢個個案係舊客人
如果大家有印象
在上年年中小編完成左其中一個三胞胎個案
三胞胎都係早產
細細佬不幸離開左
當時其實二細佬情況都不太樂觀
最後在申請撒灰的時候
媽媽話二細佬既情況已經轉好
當時小編真係好開心
不過原來在上個月二細佬突然間身體機能出現咗問題
病情突然惡化 最終離開左了
尋日去到兒童醫院見到二細佬
比起大半年前小編見到細細佬
二細佬大個咗好多
雖然係做八個月大
但係其實就好似一個三個月嘅BB咁
（因為太過早產）
肥嘟嘟面仔好得意
希望小天使安息
小編知道媽媽仲係好辛苦
因為大姐姐仲喺醫院
祝福大姐姐身體健康 加油
快啲可以返屋企同媽媽爸爸一齊
댓글